ⴰⵍⴱⵢⴰⵏ ⴰⵅⴰⵜⵎⵉ ⵏ ⵓⵎⵙⵙⵓⵖⵏ ⴰⵏⴰⵎⵓⵔ

ⴰⵍⴱⵢⴰⵏ ⴰⵅⴰⵜⵎⵉ

ⵏ ⵜⵡⵓⵔⵉⵡⵉⵏ ⵏ ⵜⴷⵓⵔⵜ ⵜⴰⵎⵙⵙⴰⵢⵜ ⵜⴰⵎⵣⵡⴰⵔⵓⵜ ⵏ ⵓⵎⵙⵙⵓⵖⵏ ⴰⵏⴰⵎⵓⵔ ⵏ ⵓⴽⴰⴱⴰⵕ ⵏ ⵓⵙⵎⴰⵢⵏⵓ ⴷ ⵓⴼⴰⵔⴰ ⵏ ⵓⵙⴳⴳⵯⴰⵙ 2026



"ⵜⴰⵎⴰⵜⴰⵔⵜ: "ⵏⵙⵜⵉ ⵙ ⵓⵣⵔⴰⴽ, ⵏⵙⵙⵎⵔⵙ ⵙ ⵜⵎⵙⵙⵓⵖⵜ

ⵜⵍⵍⴰ ⵜⴷⵓⵔⵜ ⵜⴰⵎⵙⵙⴰⵢⵜ ⵜⴰⵎⵣⵡⴰⵔⵓⵜ ⵏ ⵓⵎⵙⵙⵓⵖⵏ ⴰⵏⴰⵎⵓⵔ ⵏ ⵓⴽⴰⴱⴰⵕ ⵏ ⵓⵙⵎⴰⵢⵏⵓ ⴷ ⵓⴼⴰⵔⴰ ⵏ ⵓⵙⴳⴳⵯⴰⵙ 2026 ⴳ ⵜⵡⴰⵍⴰ ⵜⴰⵙⵎⵓⵜⵜⴳⵜ ⵜⴰⵎⵙⵙⵓⵖⵜ, ⴷ ⵙ ⵓⵙⵎⵓⵜⴳ ⵏ ⵜⵡⵓⵔⵉⵡⵉⵏ ⵉⵜⵜⵓⵙⵎⴰⵏⵏ, ⴳ ⵓⴳⴳⵓⴳ ⴰⵏⴰⵎⵓⵔ ⵉⵍⴰⵏ ⵉⵙⵇⵇⵉⵎⵏ ⵉⵙⵔⵜⴰⵏⵏ ⴷ ⵉⴷⵉⵎⴰⵏⵏ ⴷ ⵉⵏⴰⵎⵓⵏⵏ ⵉⵣⴳⵣⴰⵡⵏ, ⵉⵙⵙⵉⵍⵖⵏ ⴰⵣⵔⴰⴽ ⵏ ⵓⵙⵎⵓⵜⴳ, ⴷ ⵜⵉⵣⵎⵎⴰⵔ ⵏ ⵜⵎⵙⵙⵓⵖⵜ, ⴷ ⵓⵣⴷⴰⵢ ⴰⵎⵙⵙⵓⴷⵙ ⴳⵔ ⵓⵡⴰⵍ ⴷ ⵓⵣⵎⵎⴻⵎ.

ⴳ ⵓⵙⵙⵏⵜⵉ ⵏ ⵜⵡⵓⵔⵉⵡⵉⵏ ⵏⵏⵙ, ⵜⵙⵎⵎⴰⵏ ⵜⴷⵓⵔⵜ ⵜⴰⴽⵜⵜⵓⵜ ⵏ ⵜⵎⵜⵜⴰⵏⵜ ⵏ ⵓⴳⵍⵍⵉⴷ ⵉⵖⴼⵔⵏ ⴰⵙ ⵕⴱⴱⵉ ⵎⵓⵃⴰⵎⵎⴰⴷ ⵡⵉⵙⵙ ⵙⵎⵎⵓⵙ, ⵢⴰⴼ ⵕⴱⴱⵉ ⴰⵙ ⵜⴰⵕⵃⵎⵜ, ⴳ ⵓⵣⴷⴰⵢ ⴷ ⵉⵣⵔⴼⴰⵏ ⵏ ⵜⵎⵓⵔⵜ ⴷ ⵉⴳⴷⵓⴷⴰⵏ ⵏⵏⵙ, ⴷ ⵓⵙⵙⵉⴷⵖ ⵏ ⵓⵣⴷⴰⵢ ⴰⵣⴳⵣⴰⵡ ⴷ ⵜⴳⵍⴷⵉⵜ ⵜⴰⴷⵓⵙⵜⵓⵔⵜ ⴰⵎ ⴰⵙⴽⴽⵉⵍ ⴰⵎⵙⵎⵓⵏ ⵏ ⵓⵙⴳⴳⵯⴰⵙ ⴷ ⵓⵙⵎⴰⵢⵏⵓ.

ⵉⵙⵙⵎⵔⴰⵙ ⵓⵎⵙⵙⵓⵖⵏ ⴰⵏⴰⵎⵓⵔ ⴰⵙⵏⵎⵍ ⴰⵙⵔⵜⴰⵏ ⵉⵜⵜⵓⵙⵎⴰⵏⵏ ⵙⴳ ⵓⵎⴰⵔⴰ ⴰⵎⵣⵡⴰⵔⵓ ⵏ ⵓⴽⴰⴱⴰⵕ, ⵉⵙⵙⵉⴷⴼ ⵉⵣⴳⵣⴰⵡⵏ ⵏ ⵓⴳⴳⵓⴳ ⴰⵙⵔⵜⴰⵏ, ⴷ ⵉⵙⵙⵓⴳⵏ ⵜⴰⵏⵏⴰⵢⵜ ⵏ ⵓⴽⴰⴱⴰⵕ ⴰⵎ ⴰⵎⵙⵙⵎⵔⴰⵙ ⴰⵙⵔⵜⴰⵏ ⵉⵅⴷⴷⴰⵎⵏ ⵖⴼ ⵓⵙⵓⵎⵔ ⵏ ⵉⵙⴼⵙⵉⵜⵏ ⵉⵎⵙⵙⵓⴷⵙⵏ ⵉⵎⵓⵜⵜⴳⵏ ⵏ ⵓⵙⵙⵎⵔⵙ.

ⴳ ⵓⵙⵏⵜⵍ ⴰⵏⴰⵎⵓⵏ ⴷ ⵓⴷⵉⵎⴰⵏ, ⵉⵙⵙⵉⵡⴹ ⵓⵎⵙⵙⵓⵖⵏ ⴰⵏⴰⵎⵓⵔ ⵖⵔ ⵓⴳⴳⵯⴰⵏ ⵏ ⵜⴼⵔⴰⵏⵜ ⴳ ⵓⵣⴷⴰⵢ ⴷ ⵓⴷⵡⴰⵙ ⵏ ⵜⵙⵔⵜⴰⵜⵉⵏ ⵜⵉⵎⴰⵜⴰⵢⵉⵏ ⵖⴼ ⵜⵣⵎⵎⴰⵔ ⵏ ⵓⵙⵖⵏ, ⴷ ⵓⴱⴹⵓ ⵏ ⵉⵙⴼⴽⴰ ⵉⵎⵙⵙⵓⴷⵙⵏ ⵉⵎⵢⴰⵍⵍⵏ ⴰⴷ ⵜⵜⵓⵙⵎⵏⵜⵍⵏ, ⴷ ⵓⵙⵙⵎⵔⵙ ⵏ ⵉⵎⵙⵙⵎⵔⴰⵙⵏ ⵉⵏⴰⵎⵓⵏⵏ ⴳ ⵓⵙⵡⵓⴷⵓ ⵏ ⵉⴳⵎⵎⴰⴹⵏ ⵏ ⵜⵎⵙⵙⵓⵖⵉⵏ ⵉⵜⵜⵓⵙⵎⵔⴰⵙⵏ.

ⵙ ⵜⵎⵙⵙⵓⵖⵜ, ⵉⵙⵙⵎⵔⴰⵙ ⵓⵎⵙⵙⵓⵖⵏ ⴰⵏⴰⵎⵓⵔ ⴰⵎⵢⴰⵡⴰⴹ ⴰⵎⵙⵙⵓⴷⵙ ⴷ ⵓⵎⵙⵙⵓⴷⵙ ⵏ ⵓⴽⴰⴱⴰⵕ ⴷⴼⴼⵉⵔ ⵏ ⵓⵙⵏⵎⵍ ⵏⵏⵙ, ⴰⵎ ⵓⵙⴽⴽⵉⵍ ⴰⵎⵙⵙⵓⴷⵙ ⵏ ⵜⵣⵔⴼⵉⵡⵉⵏ ⴷ ⵉⵍⵓⴳⴰⵏ ⵉⵙⵙⵓⴷⵙⵏ ⵜⴰⵡⵓⵔⵉ ⵜⴰⴽⴰⴱⴰⵕⵜ ⴰⵍⵍⴰⵏ ⴷ ⵓⵣⵔⴼ ⵏⵏⵙ ⴰⵙⵉⵍⴰⵏ.

ⴰⵎⵎⴰⵏ ⴰⵡⴷ ⵜⵡⵓⵔⵉⵡⵉⵏ ⵏ ⵜⴷⵓⵔⵜ ⵖⴼ ⵓⵙⵜⴰⵢ ⵏ ⵉⵙⵎⵓⵜⵜⴳⵏ ⵉⴷⴷⴰⵏ:

ⴰⵙⵎⵓⵜⵜⴳ ⵏ ⵓⵙⴳⴳⵯⴰⵙ:

ⵜⴰⵎⵣⵡⴰⵔⵓⵜ: ⵜⴰⵎⴰⵔⴰⵜ ⵅⴰⴷⵉⵊⴰ ⵍⵃⴰⵕⵕⴰⵇ

ⵜⴰⵎⵙⵙⵓⵖⵜ: ⴼⴰⵀⵎⵉ ⵙⴰⵎⵉⵔⴰ

ⴰⵎⴰⵡⴰⵙ: ⵃⴰⵎⵣⴰ ⴰⵄⵕⴰⴱ

ⵜⴰⵙⵎⵓⵜⵜⴳⵜ ⵏ ⵜⵎⵙⴰⵡⴰⵜ ⴷ ⵜⴳⴷⵓⴷⵜ ⵏ ⵜⵣⵎⵎⴰⵔ:

ⵜⴰⵎⵣⵡⴰⵔⵓⵜ: ⵜⴰⴷⴰⴽⵜⵓⵕⵜ ⵕⴰⴹⵢⴰ ⴰⴷⴷⴰⴱⴱⴰⵖ

ⵜⴰⵎⴰⵡⴰⵙⵜ: ⵅⴰⵡⵍⴰ ⴰⵣⵣⴰⵢⴰⵜ

ⵜⴰⵎⵙⵙⵓⵖⵜ: ⵕⴰⴹⴰ ⵃⴰⴹⴰⵕ

ⵜⴰⵙⵎⵓⵜⵜⴳⵜ ⵉⵜⵜⵓⵙⵎⴰⵏⵏ ⵙ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ:

ⵜⴰⵎⵣⵡⴰⵔⵓⵜ: ⵜⴰⴷⴰⴽⵜⵓⵕⵜ ⵖⴰⵢⵜⴰ ⵢⴰⵃⵢⴰⵡⵉ

ⴰⵎⴰⵡⴰⵙ: ⴰⵎⵓⵀⵏⴷⵉⵣ ⴰⵃⵎⴰⴷ ⴰⵣⵣⴰⵀⵉ

ⵜⴰⵎⵙⵙⵓⵖⵜ: ⵜⴰⵎⵓⵀⵏⴷⵉⵣⵜ ⵍⴰⵢⵍⴰ ⵓⵛⵜⴰⵡⵉ

ⵜⴰⵙⵎⵓⵜⵜⴳⵜ ⵏ ⵜⵎⵙⵎⵓⵏⵜ ⵏ ⵉⵎⵓⵀⵏⴷⵉⵣⵏ:

ⴰⵎⵣⵡⴰⵔⵓ: ⴰⵎⵓⵀⵏⴷⵉⵣ ⵃⴰⵙⴰⵏ ⵍⴰⵄⴷⴰⵙ

ⵜⴰⵎⴰⵡⴰⵙⵜ: ⵏⴰⵣⵀⴰ ⵚⵚⴰⵎⴷⵉ

ⵜⴰⵎⵙⵙⵓⵖⵜ: ⴽⴰⵎⴰⵍ ⵍⵃⴰⵡⴰⵚⵍⵉ

ⵜⴰⵙⵎⵓⵜⵜⴳⵜ ⵏ ⵜⴰⴽⴰⴷⵉⵎⵜ ⵏ ⵓⵣⴳⵣⴰⵡ ⴰⵎⵔⵛⵛⴰⵇ ⵏ ⵓⵙⵍⵎⴷ ⴷ ⵓⵙⵙⵉⴷⵖ:

ⴰⵎⵣⵡⴰⵔⵓ: ⴰⵙⵍⵎⴰⴷ ⵉⴷⵔⵉⵙ ⴱⵓⵙⴱⴰⵟⴰ

ⵜⴰⵙⵎⵓⵜⵜⴳⵜ ⵏ ⵜⵣⵎⵎⴰ ⵜⵉⴽⴰⴱⴰⵕⵉⵏ ⴷ ⵉⴼⵔⴰⵏ ⵉⵎⵇⵇⵔⴰⵏⵏ:

ⴰⵎⵣⵡⴰⵔⵓ: ⴰⵙⵍⵎⴰⴷ ⴰⴷⴰⴽⵜⵓⵕ ⵍⵃⴰⵙⴰⵏ ⴰⵍⴱⵓⵇⵙⵉⵎⵉ

ⴰⵎⵎⴰⵏ ⴰⵡⴷ ⵉⵙⵙⵎⵔⴰⵙ ⵓⵎⵙⵙⵓⵖⵏ ⴰⵏⴰⵎⵓⵔ ⵖⴼ ⵓⵙⵙⵏⵜⵉ ⵏ ⵜⵎⵙⵎⵓⵏⵉⵏ ⵜⵉⵙⵎⵓⵜⵜⴳⵉⵏ ⵏ ⵓⴽⴰⴱⴰⵕ, ⴳ ⵓⴼⵔⵓⵔⵉ ⵏ ⵓⵙⵙⵉⴷⵖ ⴰⵙⵎⵓⵜⵜⴳ ⴰⵙⴳⵔⴰⵡ, ⴷ ⴳ ⵓⴳⴳⵓⴳ ⵏⵏⵙⵏ, ⵜⵉⵎⵙⵎⵓⵏⵉⵏ ⵏ ⵉⵎⵙⵙⵓⴷⵙⵏ, ⵉⵎⵙⴳⴰⵏⵏ, ⵉⵎⵓⵀⵏⴷⵉⵣⵏ, ⵉⵙⴳⴳⴰⵏⵏ, ⴷ ⵜⵎⵙⵎⵓⵏⵜ ⵏ ⵉⵎⵙⵙⵎⵔⴰⵙⵏ ⵏ ⵉⵙⴳⵔⴰⵡⵏ ⵓⵔⵉⵍⴰⵏⵏ, ⴰⵢⴷ ⵉⵙⵙⵉⵎⵖⵓⵔ ⵓⴷⵔⴰⵔ ⵏ ⵓⴽⴰⴱⴰⵕ ⴳ ⵓⴳⴳⵓⴳ ⵏ ⵜⴳⵔⵓⵎⵎⴰ ⵜⵉⵙⵎⵓⵜⵜⴳⵉⵏ ⵉⵎⵢⴰⵍⵍⵏ.

ⴳ ⵓⴼⵔⵓⵔⵉ ⵏ ⵉⵙⵜⴰⵢⵏ ⵉⵙⵔⵜⴰⵏⵏ ⵉⴷⴷⴰⵏ, ⵉⵙⵙⵉⴷⵖ ⵓⵎⵙⵙⵓⵖⵏ ⴰⵏⴰⵎⵓⵔ ⴰⵙⵎⵓⵜⵜⴳ ⵏⵏⵙ ⴰⵣⵔⴼⴰⵏ ⴰⴷ ⵢⵉⵍⵉ ⵓⴽⴰⴱⴰⵕ ⴰⵎ ⴰⵎⵙⵙⵎⵔⴰⵙ ⴰⵙⵉⵍⴰⵏ ⴳ ⵓⵙⴽⴽⵉⵍ ⴰⵏⴰⵎⵓⵔ, ⵉⵣⴹⴰⵕⵏ ⴰⴷ ⵉⵙⵙⵉⵡⴹ ⴳ ⵓⵙⵙⵉⵍⵖ ⵏ ⵓⵙⴳⴳⵯⴰⵙ ⴰⵙⵎⵓⵜⵜⴳ ⴷ ⵓⴷⵔⴰⵔ ⴳ ⵢⴰⵏ ⵓⴳⵔⴰⵡ ⴰⵎⵙⴳⴳⵯⴰⵙ, ⴰⵎⵙⴰⵡⴰⵍ ⴷ ⴰⵎⵙⵙⵓⴷⵙ ⵙ ⵜⵏⵏⴰⵢⵜ ⵜⴰⴳⵍⴷⴰⵏⵜ ⵜⴰⵏⴰⴼⵍⵍⴰⵜ.

ⴳ ⵓⵙⵎⵓⵜⵜⴳ ⵏ ⵜⵡⵓⵔⵉⵡⵉⵏ ⵏⵏⵙ, ⵉⵜⵜⵓⵙⵙⵉⴷⵖ ⴰⴷ ⵉⵙⵙⵏⵜⵉ ⵓⴽⴰⴱⴰⵕ ⵏ ⵓⵙⵎⴰⵢⵏⵓ ⴷ ⵓⴼⴰⵔⴰ ⴰⵙⵙⵏⵜⵉ ⴰⵎⴰⵢⵏⵓ ⵏ ⵜⵡⵓⵔⵉ ⵜⴰⵙⵔⵜⴰⵏⵜ ⵜⴰⵎⵙⵙⵓⴷⵙⵜ, ⵉⵍⴰⵏ ⴰⵣⵡⵍ ⵏ ⵓⵣⵔⴰⴽ, ⴷ ⵜⴼⵔⴰⵏⵜ, ⴷ ⵓⵣⵎⵎⴻⵎ ⵏ ⵜⵎⵙⵙⵓⵖⵜ, ⴷ ⵓⵣⵔⵉ ⴷ ⵓⴷⵡⴰⵙ ⴰⵎⵙⵙⵓⴷⵙ ⴳ ⵓⵎⵢⴰⵡⴰⴹ ⴷ ⵓⵙⵎⵓⵜⵜⴳ ⴰⵎⴰⵜⴰⵢ.

ⴳ ⴼⴰⵙ 28 ⴼⴱⵕⴰⵢⵕ 2026

ⵉⴼⴼⵖ ⵙⴳ

ⵜⴰⴷⵓⵔⵜ ⵜⴰⵎⵙⵙⴰⵢⵜ ⵜⴰⵎⵣⵡⴰⵔⵓⵜ ⵏ ⵓⵎⵙⵙⵓⵖⵏ ⴰⵏⴰⵎⵓⵔ

ⵏ ⵓⴽⴰⴱⴰⵕ ⵏ ⵓⵙⵎⴰⵢⵏⵓ ⴷ ⵓⴼⴰⵔⴰ

ⵏ ⵓⵙⴳⴳⵯⴰⵙ 2026