ⴰⵍⵖⵓ ⵉ ⵜⵎⵓⴽⴽⵉⵙⵜ ⵜⴰⵎⴰⵜⴰⵢⵜ ⵏ ⵓⴽⴰⴱⴰⵕ ⵏ ⵓⵙⵎⴰⵢⵏⵓ ⴷ ⵓⴼⴰⵔⴰ
ⴰⴽⴰⴱⴰⵕ ⵏ ⵓⵙⵎⴰⵢⵏⵓ ⴷ ⵓⴼⴰⵔⴰ
"ⵙ ⵢⵉⵡⴹ ⵉ ⵓⵣⴽⴽⴰ ⵉⵎⵍⵍⴰ"
ⴳ ⵓⵙⵙⵉⵎⵖⵔ ⵏ ⵓⵙⴳⴳⵯⴰⵙ ⴰⵙⵔⵜⴰⵏ ⵏⵏⴰ ⵉⵍⴰⵏ ⵉⵎⵖⵔⵉⴱⵉⵢⵏ ⴳ ⴱⵕⵕⴰ ⴷ ⵅⴼ ⵓⴷⵔⴰⵔ ⵏⵏⴰ ⵉⵙⵙⵉⵔⴰ ⴰⴽⴰⴱⴰⵕ ⵏ ⵓⵙⵎⴰⵢⵏⵓ ⴷ ⵓⴼⴰⵔⴰ "ⵏⵏⴰ ⵉⵍⵍⴰⵏ ⴳ ⵓⵙⵙⵏⵜⵉ" ⴰⴷ ⵉⵍⴽⵎ ⵜⴰⵔⴰⴱⴱⵓⵜ ⴰⴷ ⵏ ⵉⵎⵖⵔⵉⴱⵉⵢⵏ ⴳ ⵓⵙⵔⵜⴰⵏ ⵏⵏⵙ, ⵜⴳⴰ ⵜⵙⵎⵓⵜⵜⴳⵜ ⵜⴰⵙⵙⵏⵜⵉⵜ ⴰⴷ ⵜⵎⵙⴰⵡⴰⵍ ⴷ ⵜⵔⴰⴱⴱⵓⵜ ⴰⴷ ⵏ ⵜⵎⴰⵍⴰⵢⵜ ⴷ ⴰⴷ ⵜⴰⵙ ⵜⴰⴽⴽⵉ ⵜⴰⵎⵓⵖⵍⵉ ⵜⴰⵎⴰⵜⴰⵢⵜ ⵅⴼ ⵉⵡⵜⵜⴰⵙⵏ ⵉⵎⴰⵜⴰⵢⵏ ⵏ ⵓⴽⴰⴱⴰⵕ.
ⴰⴽⴰⴱⴰⵕ ⵏ ⵓⵙⵎⴰⵢⵏⵓ ⴷ ⵓⴼⴰⵔⴰ ⵉⵜⵜⴰⴽⵍ ⵅⴼ ⵢⴰⵜ ⵜⴳⵔⵓⵎⵎⴰ ⵏ ⵉⵎⵏⵣⴰⵢⵏ ⵉⵍⴻⵍⵍⵉⵢⵏ ⴷ ⴳ ⵓⴳⴳⵯⴰⵡ ⵏⵏⵙⵏ:
1- ⴰⵙⵎⵖⵔ ⵏ ⵜⵡⵓⵔⵉ ⵜⴰⵙⵔⵜⴰⵏⵜ ⵙ ⵓⵎⵓⵙⵙⵓ ⵅⴼ ⵉⴳⴷⵓⴷⴰⵏ ⵏ ⵜⵙⵔⵜⴰⵏⵜ ⴷ ⵉⵎⵙⴰⵡⴰⵍⵏ ⵉⵎⵣⵡⴰⵔⵏ ⴷ ⴰⴷ ⵉⵜⵜⵓⵙⵎⵖⵔ ⵓⴼⵔⵓ ⴰⵙⵔⵜⴰⵏ ⴷ ⴰⴷ ⵜⵜⵓⵙⵎⵓⵜⵜⴳ ⴰⴽⴽⵯ ⵜⵉⴼⵔⴰⵜⵉⵏ.
2- ⴰⵙⵙⵉⵔⴰ ⵏ ⵓⴳⴳⵯⴰⵡ ⵉ ⴰⴽⴽⵯ ⵜⵔⴰⴱⴱⵓⵜⵉⵏ ⵏ ⵉⵎⵖⵔⵉⴱⵉⵢⵏ "ⴳ ⴱⵕⵕⴰ ⴷ ⴳ ⴷⴰⵅⵍ" ⴰⴷ ⵜⵜⵓⵡⵓⵔⵉⵏ ⴽⵓ ⵢⴰⵏ ⴳ ⵡⴰⴷⴷⴰⴷ ⵏⵏⵙ ⴳ ⵜⵓⴷⵔⵜ ⵜⴰⵙⵔⵜⴰⵏⵜ ⵜⴰⵎⵖⵔⵉⴱⵉⵜ ⵢⴰⴳⴳⵓⴳⵏ ⵅⴼ ⵓⵙⵡⵉⵔ ⴰⵏⴰⵎⵓⵔ ⵏⵖ ⵓⵙⵡⵉⵔ ⴰⴳⵔⴰⵖⵍⴰⵏ.
3- ⴰⴷ ⵉⴳ ⵓⵎⵙⵙⵓⴳⵓⵔ ⴰⵢⴷⴰ ⴰⵎⵇⵇⵔⴰⵏ ⵉ ⵓⵎⵙⴰⵡⴰⵍ ⴷ ⵓⵎⵢⴰⴳⴳⴰⵡ ⴳⵔ ⴰⴽⴽⵯ ⵜⵉⵣⵎⵎⴰ ⵜⵉⵙⵔⵜⴰⵏⵉⵏ ⴳ ⵍⵎⵖⵔⵉⴱ.
4- ⴰⵙⵙⵉⵔⴰ ⵏ ⴰⴽⴽⵯ ⵉⵅⴼⴰⵡⴰⵏ ⵉⵎⵙⴰⵡⴰⵍⵏ ⴷ ⵉⵎⵙⵙⵓⵔⵜⵏ ⵉ ⵢⴰⵙⵙ ⵉⴼⵓⵍⴽⵉⵏ ⵉ ⴰⴽⴽⵯ.
5- ⴰⵙⵙⵉⵎⵖⵔ ⵏ ⵜⵡⵓⵔⵉ ⵜⴰⵙⵔⵜⴰⵏⵜ ⵏ ⵓⴽⴰⴱⴰⵕ ⵅⴼ ⵉⵙⵎⵓⵜⵜⴳⵏ ⵉⵍⴰⵇⵏ ⵉ ⵓⵙⴽⴽⵉⵏ ⵏ ⵜⵓⴷⵔⵜ ⵜⴰⵢⴰⴼⵓⵜ ⵉ ⴰⴽⴽⵯ ⵉⵎⵖⵔⵉⴱⵉⵢⵏ ⴷ ⴰⴷ ⵜⵜⵓⵙⵎⵓⵜⵜⴳⵏ ⵉⵎⵙⵙⵓⴳⵓⵔⵏ ⵉⵎⵙⵎⵓⵏⵏ ⵉⴱⵏⴰⵏ ⵅⴼ ⵓⵙⵎⵓⵏ ⵏ:
1- ⵜⴰⵣⵣⵓⵎⵔⵜ ⴷ ⵜⵏⵣⵣⴰⵔⴼⵜ
2- ⵉⵣⵔⴼⴰⵏ ⴷ ⵜⵉⵡⵓⵔⵉⵡⵉⵏ
3- ⵜⵉⵍⴻⵍⵍⵉ ⴷ ⵜⵉⵏⴳⴰⵍⵉⵏ
4- ⵜⴰⵡⵓⵔⵉ ⴷ ⵓⵙⵙⵓⴳⵏ
5- ⵜⵓⵙⵙⵏⴰ ⴷ ⵜⴰⴷⴰⵎⵙⴰ
6- ⵜⴰⵡⵓⵔⵉ ⴷ ⵜⵥⵕⵉⴳⵜ
7- ⵜⴰⵢⵍⴰⵍⵜ ⴷ ⵓⵙⵙⵓⴳⵏ
8- ⵜⴰⵙⵎⵓⵜⵜⴳⵜ ⴳ ⴰⴽⴽⵯ ⵉⴳⵔⴰⵏ ⴱⵍⴰ ⴰⵙⵙⵉⵣⴷⴻⵔ ⵙ ⵓⵙⵙⵉⴳⵏ ⵏ ⵓⵣⵔⴼ ⵏ ⵜⵎⵖⵔⵉⴱⵉⵜ ⵜⴰⴽⵎⵎⵍⵜ
ⴰⵢⴰ ⴷ ⵓⵡⵜⵜⴰⵙ ⵏ ⵓⵙⵎⴰⵢⵏⵓ ⴷ ⵓⴼⴰⵔⴰ ⴰⴷ ⵉⵙⵏⵓⵍⴼⵓ ⵢⴰⵏ ⵓⵎⵙⵙⵓⴳⵓⵔ ⴰⵙⵔⵜⴰⵏ ⴰⵎⴰⵢⵏⵓ ⵉⴱⵏⴰⵏ ⵅⴼ ⵉⵎⵙⵙⵓⴳⵓⵔⵏ ⵉⵙⵔⵜⴰⵏⵏ ⵏⵏⴰ ⵉⵣⵎⵔⵏ ⴰⴷ ⵜⵜⵓⵙⵙⵉⵔⴰⵏ ⴷ ⴰⴷ ⵜⵜⵓⵙⵇⵇⴰⵔⴱⵏ ⵖⵔ ⴰⴽⴽⵯ ⵜⵔⴰⴱⴱⵓⵜⵉⵏ ⵏ ⵜⵎⴰⵍⴰⵢⵜ ⴳ ⴷⴰⵅⵍ ⵏ ⵓⵡⴰⵏⴽ ⴷ ⴳ ⴱⵕⵕⴰ
ⴷ ⴳ ⵓⵙⵙⵉⵎⵖⵔ ⴰⴷ ⵏⵉⵏⵉ:
1- ⵉ ⵉⵎⵖⵔⵉⴱⵉⵢⵏ ⴳ ⴱⵕⵕⴰ: ⵎⴰⵙ ⵜⴰⵔⵡⵉⵜ ⵜⴻⵜⵜⵓⵔⴰ ⵉ ⴰⴽⴽⵯ ⵜⵥⵕⵉⴳⵉⵏ ⴽⵓ ⵢⴰⵏ ⴳ ⵜⵥⵕⵉⴳⵜ ⵏⵏⵙ ⴰⴷ ⵜⵜⵓⵡⵓⵔⵉⵏ ⴰⴼⵓⵙ ⴳ ⵓⴼⵓⵙ ⴰⴷ ⵜⵜⵓⵙⵎⵓⵜⵜⴳⵏ ⴳ ⵓⵙⵙⵉⵎⵖⵔ ⵏ ⵜⴽⴰⵕⴹⴰ ⵏ ⵜⵡⵓⵔⵉ ⵏⵏⴰ ⵉⴳⴰ ⵓⴽⴰⴱⴰⵕ.
2- ⵉ ⵉⵎⵖⵔⵉⴱⵉⵢⵏ ⴳ ⵓⵡⴰⵏⴽ: ⵎⴰⵙ ⵓⵙⵎⴰⵢⵏⵓ ⴷ ⵓⴼⴰⵔⴰ ⴷ ⴰⴽⴰⴱⴰⵕ ⵏ ⴽⵓ ⵢⴰⵏ ⵏⵏⴰ ⵉⵜⵜⵓⵙⴳⴳⵯⴰ ⵏⵖ ⵓⵔ ⵉⵍⵍⵉ ⵉⵅⴼ ⵏⵏⵙ ⴳ ⵉⵎⵙⵙⵓⴳⵓⵔⵏ ⵉⵙⵔⵜⴰⵏⵏ ⵉⵍⵍⴰⵏ ⴰⵙⵙ ⴳ ⵓⵡⴰⵏⴽ.
3- ⵉ ⵜⵉⵣⵎⵎⴰ ⵜⵉⵙⵔⵜⴰⵏⵉⵏ ⴳ ⵍⵎⵖⵔⵉⴱ: ⵎⴰⵙ ⵉⵍⴽⵎ ⵓⵣⵎⵣ ⴰⴷ ⵜⵜⵓⵙⵎⵓⵜⵜⴳ ⵜⵙⴽⴽⵉⵡⵜ ⵏ ⵓⵎⵢⴰⴳⴳⴰⵡ ⴷ ⵜⵎⴰⵍⴰⵢⵜ ⵜⴰⵎⵖⵔⵉⴱⵉⵜ ⵏⵏⴰ ⵉⴳⴰⵏ ⵜⴰⵎⴰⵍⴰⵢⵜ ⵜⴰⵎⵓⵙⵙⵏⴰⵡⵜ. ⴰⵢⴷⴰ ⵉⵍⴰⵇⵏ ⴰⵙⵙ ⴰⴷ ⵜⵜⵓⵣⴳⵍ ⵜⴰⵙⴽⴽⵉⵡⵜ ⵏ ⵉⵡⴰⵍⵉⵡⵏ ⴷ ⵓⵙⵎⵓⵜⵜⴳ ⵏ ⵉⵎⵙⵙⵓⴳⵓⵔⵏ ⵉⴱⵏⴰⵏ ⵅⴼ ⵜⵉⵣⵔⴰⵡⵉⵏ, ⵉⵟⵟⴰⴼⵏ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⴰⴱⵔⵔⴰⵢ ⴷ ⵓⵎⵙⵙⵓⴷⵙ ⵙ ⵓⵙⵙⵉⵔⴰ ⵏ ⵓⴳⴳⵯⴰⵡ ⵉ ⵉⵎⵖⵔⵉⴱⵉⵢⵏ "ⴳ ⴷⴰⵅⵍ ⵏ ⵓⵡⴰⵏⴽ ⴷ ⴳ ⴱⵕⵕⴰ" ⴰⴷ ⵜⵜⵓⵙⵎⵓⵜⵜⴳⵏ ⴷ ⴰⴷ ⵜⵜⵓⵙⵎⵓⵇⵇⵍⵏ.
4- ⴷ ⴳ ⵜⴳⵉⵔⴰ ⵉ ⴰⴽⴽⵯ ⵜⵉⴼⵔⴰⵜⵉⵏ ⵜⵉⵙⵔⵜⴰⵏⵉⵏ ⴷ ⵉ ⴰⴽⴽⵯ ⵉⵎⵖⵔⵉⴱⵉⵢⵏ: ⴰⴷ ⵏⴳ ⴰⵍⵍⴰⵖ ⵏ ⵓⵡⴰⵏⴽ ⴷ ⴰⵍⵍⴰⵖ ⵏ ⴰⴽⴽⵯ ⵉⵎⵖⵔⵉⴱⵉⵢⵏ ⴰⵡⵜⵜⴰⵙ ⴰⵎⵇⵇⵔⴰⵏ ⵉ ⴰⴽⴽⵯ ⵏⵏⵖ.
